2023 гъэм фокIадэм и 22-м Епархием и советым и зэIущIэм хэтхэр тепсэлъыхьащ
Пятигорск епархием и социальнэ къулыкъум. Епархием и екIуэлIапIэхэм члисэпсо
зэхуэсхэм ирихьэлIэу иратащ мелуаным щIигъу, Херсонскэ областым къыщыхъуа
псыдзэм зи зэран екIахэм. Гуманитар дэIэпыкъуныгъэу тонн 60-м щIигъу, УАЗ
автомашинэр, хущхъуэхэр, фэилъхьэгъуэхэр хуагъэшащ зауэлIхэм. Абыхэм папщIэ
иджыри зы вездеход ягъэхьэзыр, ПАЗ автобусыр Никольскэ члисэ Первомайскэ къалэм
щыIэм иратащ. ДНР, ЛНР члисэхэм члисэ хьэпшыпхэр хуагъэшащ сом мин 200 и уасэу.
Дэтхэнэ зы машинэми щоджэн щIыгъуу ягъэкIуащ, 2014 гъэм щыщIэдзауэ
дэIэпыкъуныгъэ Iуэхум хэт, зауэлIхэмрэ мамыр цIыхухэмрэ зыхуей-зыщыщIэхэм
хэзыщIыкIыу.
Пятигорск епархием и нэгъуэщI клирикым къулыкъу щещIэ батальонхэм ящыщ
зым. Епархием и советым хэтхэм фIыщIэ хуащIащ дзэ Iуэху хэхам Iутхэм я нэIэ тетыныр
зи жэрдэмхэм. 2014 гъэм щыщIэдзауэ Пятигорск епархием Донецкрэ Луганскрэ къикIа
сабийхэм зыщагъэпсэху. Мы гъэм Луганск къикIа хьэщIэ 31-рэ хэтащ «Маруха-2023»
зэхуэсым. Гъэмахуэ зыгъэпсэхугъуэхэр зэрекIуэкIами щытепсэлъыхьащ советым и
зэIущIэм.
«Анэхэм папщIэ унэ» IуэхущIапIэр доIэпыкъу зауэлIхэм я унагъуэхэм. Епархием и
кризис центрым и нэIэ тетщ зауэлIхэм я унагъуэ 86-м, зауэм зи щхьэ къыхэзыхахэри
щIыгъуу. ЗэIущIэм и кIэм советым хэтхэм унафэ къащтащ Пятигорск епархием и
социальнэ программэхэм зрагъэубгъуну. «Анэхэм папщIэ унэ», «Дыгъафэ къалэ»
IуэхущIапIэхэм я къудамэхэр къызэIуахынущ.