2023 гъэм жэпуэгъуэм и 12-13-хэм Дон Iус Ростов къалэм щекIуэкIащ Кавказым и
тхыдэджхэм я «Народы Кавказа в XVIII–XXI вв.: история, политика, культура» дунейпсо
зэхуэсыр. Ар къызэригъэпэщащ ЩIэныгъэхэмкIэ Урысей академием и Ипщэ щIэныгъэ
центрым, Ипщэ, Кавказ Ищхъэрэ федеральнэ университетым. Зэхыхьэм хэтащ
щIэныгъэлIи 140-рэ, Урысейм и егъэджакIуэ 18-рэ, Куржым, Абхъазым, Къэзэхъстаным,
Осетие Ипщэм къикIахэр.
МахуитIым къриубыдэу зэхуэсым и IэщIагъэлIхэр тепсэлъыхьащ Кавказым и Iуэху
зэIумыбзхэм, этнополитикэ, социально-экономикэ, демографие, социокультурнэ, дин
Iуэхухэм, лъэпкъ-къэрал зэхущытыкIэхэм.
ЗэпэIэщIэ Iэмалыр къагъэсэбпри зэхуэсым хэтащ щихъхэр канон щIынымкIэ
Комиссэм и секретарь щоджэн Гурин Александр къулъшырыфхэмрэ монаххэмрэ иджырей
Абхъазым XX лIэщIыгъуэм и 1920-1930 гъэхэм я псэукIам теухуауэ.
Щоджэныр къытеувыIащ къулъшырыфхэмрэ монаххэмрэ Члисэр зэхэзехуэн
щащIам я псэукIам, абы ящыщ Тхьэм и нэфI зыщыхуа Кавказым и узэщIакIуэ –
схииремонах Стефан (Игнатенко). Абы Успенскэ Второафонскэ цIыхухъу къулъшырыф
Бештау бгым тетыр ибгынэн хуей хъуащ икIи Абхъазым ибгхэм ихьэжащ
щIэпхъуэжакIуэу, иужькIэ ар щIыналъэм ирагъэIэпхъукIащ. Зэхуэс нэужьым тхыгъэхэр
щызэхуэхьэса сборник къыдагъэкIащ.