2023 гъэм дыгъэгъазэм и 5-м Тхьэм и Анэм «Всех скорбящих Радость» тхьэнапэм и цIэр зезыхьэ и члисэм и унафэщIхэм Пятигорск епархием ЕссэнтIыгу щиIэ округым и благочиннэ щоджэн нэхъыжь Фещенкэ Стефан терактым хэкIуэдахэм папщIэ тхьэлъэIу иригъэкIуэкIащ.
Илъэс 20-кIэ узэIэбэкIыжмэ Урысейм хъыбар гууз къыщыхъуащ. Къалэ щIыб мафIэгум, студентхэр куэду зэрызекIуэм мафIэс къыщыхъуащ икIи абы цIыху гъащIэ 47-рэ здихьащ, абы иса цIыхуи 170-м фэбжь ягъуэтащ. Дыгъэгъазэм и 5-м абы щыгъуэ етIуанэу къалъхуахэм папщIэ, къалэ сымаджэщым и Iэгъуэблагъуэм, Тхьэм и Анэм и «Всех скорбящих Радость» тхьэнапэм и цIэкIэ члисэ къыщызэрагъэпэщащ.
ТхьэлъэIум хэтащ ЕссэнтIыгу къалэм и Iэтащхьэ Некристов Александр, къалэ администрацэм и лэжьакIуэхэр, хэкIуэдахэм я благъэхэмрэ Iыхьлыхэмрэ.
Стефан зэхуэсахэм защыхуигъазэм Пятигорск, Черкесск щIыналъэхэм я архиепископ Феофилакт къыбгъэдэкI псалъэхэр ялъигъэIэсащ хэкIуэдахэм я благъэхэм.
ТхьэлъэIум хыхьэу Щихъ Патриарх Алексий II и псэр зэгъэн папщIэ Тхьэ елъэIуащ. А махуэм илъэс 15 ирикъуащ ар дунейм зэрехыжрэ.