2024 гъэм гъатхэпэм и 10-11-хэм, Черкесск къалэм и Никольскэ соборым зэIущIэхэр щекIуэкIащ, чристэн тхылъым и махуэм теухуауэ. Гъатхэпэм и 10-м зэхыхьэм щызэхуэсащ тхьэмахуэ школым и гъэсэнхэр, «Соборяне» щIалэгъуалэ зэгухьэныгъэм хэтхэр, тхьэмахуэ зэпсэлъэныгъэхэм едаIуэхэр. Гъатхэпэм и 11-м республикэм узыншагъэр щрагъэфIакIуэ «Надежда» социальнэ центрым зэIущIэ щекIуэкIынущ. Къардэн Федоров Иван и цIэм пыщIащ Урысейм «Апостол» тхылъыр къызэрыщыдэкIам. Тхылъым, япэ тхылъ станокым, типографием къытеувыIащ щоджэн Гурин Александр. УзэщIыныгъэ зэIущIэхэм хэтхэм зыхагъэгъуэзащ Никольскэ соборым Члисэмрэ къэзакъ тхыдэмкIэ и музейм щIэлъ пасэрей тхылъхэм.
Гъатхэпэм и 12-м, чристэн тхылъым и махуэм и пэ къихуэу, Урысейм япэ тхылъ къызэрыщыдагъэкIам теухуа зэхыхьэм хэтащ егъэджэныгъэмкIэ центр №11-м и етхуанэ классым щIэсхэр. А махуэм Александр IущIащ Усть-Джегуты и сабий унэхэм я гъэсэнхэм. Сабийхэм иджы ящIэ XVI лIэщIыгъуэм тхылъ къыщыдагъэкIкIэ къагъэсэбэпу щыта фронтиспис, колофон псалъэхэр, Урысейм тхылъ къыщIыдагъэкIам и щхьэусыгъуэхэр, япэ станокымрэ типографиемрэ еплъащ. Сабийхэр тхьэлъэIу тхылъхэм ирагъэплъащ, Пятигорск, Черкесск щIыналъэхэм я архиепископ Феофилакт и библиотекэм щыщхэм.
Черкесск къалэм и Свято-Сергиевскэ гимназием гъатхэпэм и 13-м, Никулин С. П. и цIэр зезыхьэ республикэ сабий библиотекм щекIуэкIащ Урысейм япэ тхылъ тедзапIэ къызэрыщыунэхуам. Щоджэн Гурин Александр и зэIущIэм хэтащ 2, 4 классхэм щIэсхэр, библиотекэм кIуащ Черкесск къалэм и школ №6-м и еджакIуэхэр. ЕджакIуэхэр япэ типографием, тхылъ къызэращып станокым, къардэн Федоров Иван и фэеплъым хагъэгъуэзащ. Федоров Иван тхылъ куэд къызэрыдигъэкIари жаIащ.