2024 гъэм бадзэуэгъуэм и 17-м епархием и «Зелёный Афон» щIалэгъуалэ зэхуэсым Пятигорск, Черкесск щIыналъэхэм я архиепископ Феофилакт щепсэлъащ II сменэм щыIэхэм.
Зэхуэсым хэтащ IуэхущIапIэм и унафэщI, къулъшырыфым щыIэ игумен Михаил (Гичко), къулъшырыфым и благочиннэ иеромонах Иоанн (Галумов).
Зэхуэсым и пэ къихуэу Щихънагъыр къытеувыIащ къулъшырыфым и тхыдэмрэ и иджырей гъащIэмрэ. Зэхуэсым хыхьэу упщIэ куэдым жэуап иратащ щоджэн нэхъыщхьэм и гъащIэ гъуэгуанэм теухуауэ, школымрэ духовнэ семинариемрэ зэрыщеджамрэ папщIэ. Щоджэн нэхъыщхьэр къытеувыIащ тхылъ зэджэхэм, зэманыр пщIэншэу ямыгъэкIуэдыну, я гъащIэм и дэтхэнэ зы дакъикъэми пщIэ хуащIыну захуигъэзащ.
ЕгъэджакIуэхэмрэ ныбжьыщIэхэмрэ щепсэлъа пIалъэм архиепископ Феофилакт упщIэхэм жэуап иритащ. Зэхыхьэм хэта дэтхэнэми фIыщIэ хуищIащ, зэманыр ялъытэну, зэныбжьэгъуну, балигъ хъуауэ, я фIэщхъуныгъэр нэхъри ягъэбыдауэ унэм кIуэжыну захуигъэзащ.