Невинномысск Стрижамент бгым щекIуэкIащ джэгухэр. Абы хэтащ Ставрополь крайм и къэзакъ щIэблэр, Кисловодск къалэм и Чристэн Свято-Никольскэ классическэ гимназием и «Вольная станица» къэзакъ гупыр хыхьэу.
Тхьэмахуэм къриубыдэу ныбжьыщIэхэр зэпеуащ зэхьэзэхуэ зэмылIэужьыгъуэхэмкIэ, кIэрахъуэ гъэуэнымкIэ, гугъуехьхэм пхыкIынымкIэ, къулыкъу ехьэкIынымкIэ, нэгъуэщIхэри.
Гимназием и гъэсэнхэм я зэфIэкIхэр къагъэлъэгъуащ икIи япэ увыпIэхэр къахьащ. Синявская Аринэ биатлон, фоч гъэуэнымкIэ, зэпкъырылъхьэнымкIэ нэхъыфIхэм ящыщ хъуащ. Кузнецов Федор етIуанэ щыхъуащ гугъуехьхэр къызэнэкIынымкIэ. «Вольная станица» гупыр ещанэ щыхъуащ «Визитная карточка» зэпеуэм.
Зэпеуэр щиухым ныбжьыщIэхэр бгыщхьэм тет пасэрей быдапIэм кIуащ. Губгъуэ лагерым щыщIэдзауэ быдапIэм нэс километрипщI дэлът. Къэзакъхэм я щIэбблэр станицэ члисэм щекIуэкI къулыкъуми хэтащ.
***
1998 гъэм щыщIэдзауэ губгъуэм къэзакъхэм апхуэдэ зэхуэсхэр щрагъэкIуэкI. Ар къызэригъэпэщащ Тэрч къэзакъ зэгухьэныгъэм Ставрополь крайм щиIэ щIыналъэ къэзакъ зэгухьэныгъэм, Ставрополь крайм и губернаторым къэзакъхэм ядэлэжьэнымкIэ и советым хэт Куликов Александр.