2024 гъэм шыщхьэуIум и 2-м, Пятигорск епархием и тхыдэм япэу, Архыз Ищхъэрэм щекIуэкIащ Епархием и советым и зэIущIэ. Къэхъуа Iуэхугъуэхэм траухуащ зэхыхьэр. Апхуэдэщ Хъуромэ, IутIыж зэхыхьэхэр, Пастыр конференцэр, Кисловодск и чристэн гимназием и хорыр Патриаршэ тхьэлъэIум зэрыхэтам, «Свет Христов» Патриаршэ III фестивалым и концертыр.
ЗэIущIэм хэтхэм нэхъыщхьэу гу лъатащ СВО-м щыIэхэм я унагъуэхэм ядэIэпыкъуным, абыхэм я лIыгъэм тепсэлъыхьыным. 2024 гъэм блэкIа и мазэхэм епархием и екIуэлIапIэхэм СВО-м щыIэхэм хуагъэшащ гуманитарнэ дэIэпыкъуныгъэу тонн 26,5-рэ. Абы щыщт япэу зыхуеину хьэпшыпхэмрэ Iэмэпсымэхэмрэ, мотоциклхэр нэгъунэ къызэщIиубыдэу.
Ахъшэу сом 1 мелуанрэ ныкъуэрэ хуагъэхьащ. ЕкIуэлIапIэ куэд езыр-езыру дзэ Iуэху хэхам кIуэхэм я зэзыгъэуIу центр хъуащ. Члисэ псоми зауэлIхэр Тхьэ щолъэIу. Епархием и советым хэтхэм пащэну къыхалъхьащ дзэ Iуэху хэхам щыIэхэм ядэIэпыкъуным, а лэжьыгъэм нэхъри щIагъэхуабжьэу.
Черкесск къалэм и Никольскэ соборым щылажьэ члисэ тхыдэ музейм дзэ Iуэху хэхам щыIэхэм ятеухуа выставкэ къыщызэIуахыну яубзыхуащ.