2024 гъэм шыщхьэуIум и 9-м, Тхьэм папщIэ бэлыхь куэд зрагъэшэча Пантелеимон и фэеплъ махуэм, Пятигорск епархием Кисловодск округым щиIэ благочиннэ щоджэн нэхъыжь Знаменский Иоанн махуэшхуэ тхьэлъэIур щригъэкIуэкIащ Кисловодск къалэм и Пантелеимоновскэ члисэм. Литургием хыхьэу благочиннэм къулыкъур драгъэкIуэкIащ округым и щоджэнхэмрэ хьэщIэхэмрэ. Тхьэм папщIэ бэлыхь куэд зрагъэшэча Пантелеимон и къарум щыщ Iыхьэхэм зэрылъэIэсар гуфIэгъуэ ящыхъуащ.
Благочинием и щоджэн нэхъыжь Лиманов Гермоген зэхуэсахэм захуигъэзащ узэщIыныгъэкIэ. Щоджэным псори къыхуриджащ гуапэу щытыну икIи Тхьэ елъэIуну. ТхьэлъэIу, зэгъусэ тхьэлъэIу нэужьым благочиннэм Пятигорск, Черкесск щIыналъэхэм я архиепископ Феофилакт къилъытащ унафэщIым и лэжьыгъэхэр члисэр зэфIэгъэувэжынымрэ егъэфIэкIуэнымрэ и IуэхукIэ.
А махуэ дыдэм Минераловодскэ районым и Орбельяновкэ къуажэм махуэшхуэ тхьэлъэIу щекIуэкIащ, Пантелеимоновскэ члисэм и махуэшхуэм теухуауэ. Литургиер иригъэкIуэкIащ Минераловодскэ члисэ округым и благочиннэ щоджэн нэхъыжь Панасенкэ Алексий благочинием и щоджэнхэм я гъусэу.
Зэгъусэ тхьэлъэIу нэужьым благочиннэм екIуэлIапIэм кIуэхэмрэ щIыналъэ лъапIэм Тхьэ елъэIуну кIуахэмрэ яритащ Пятигорск, Черкесск щIыналъэхэм я архиепископ Феофилакт и арэзыныгъэр.