2024 гъэм шыщхьэуIум и 26-м, гъэ еджэгъуэм и пэ къихуэу, Кисловодск къалэм и Чристэн Свято-Никольскэ классическэ гимназием педсовет щекIуэкIащ. Абы щызэхалъхьэжащ блэкIа гъэ еджэгъуэм кърикIуахэр икIи 2024-2025 гъэ еджэгъуэм къапэщылъхэм къыщытеувыIащ.
Педсоветым и лэжьыгъэр иригъэкIуэкIащ гимназиер къызэзыгъэпэща Пятигорск, Черкесск щIыналъэхэм я архиепископ Феофилакт унафэщIымрэ егъэджакIуэхэмрэ я гъусэу тепсэлъыхьащ гъэ еджэгъуэм ехьэлIа Iуэхугъуэхэм икIи грант зэпеуэхэм гъэ еджэгъуэм хэтыну къыхилъхьащ.
ЕгъэджакIуэхэм защыхуигъазэм, щоджэн нэхъыщхьэм къыхигъэщащ чристэн гимназием и къалэн нэхъыщхьэр сабийхэм чристэн щIэныгъэ етыным и мызакъуэу, ахэр я Хэкур фIыуэ ялъагуу гъэсэнырщ.
Гъэсэныгъэм теухуа упщIэхэм Пастыр нэхъыщхьэм жэуап иритащ икIи къыхигъэщащ сабийхэм теухуауэ адэ-анэхэм гимназием и гъэсэнхэм ягъэзэщIапхъэхэр къыщызэпаудым, дерсхэр егъэджакIуэм щрамыгъэгъэхьэзырым деж ар хуадэн зэрыхуэмейр. Архиепископым Iуэхугъуэ куэд къыхилъхьащ егъэджэныгъэмрэ гъэсэныгъэмрэ гимназием къызэрыщызэрагъэпэщыным теухуауэ.
Щихънагъ Феофилакт егъэджакIуэхэм я упщIэхэм жэуап иритащ икIи егъэджакIуэхэм, гимназием и гъэсэнхэм, адэ-анэхэм я къалэнхэм зэрыпэлъэщыр къапщытэну жиIащ.
ЕгъэджакIуэхэм щоджэн нэхъыщхьэм Iуэху зэIумыбзхэр зыхуэдэр жраIащ. Архиепископ Феофилакт адэ-анэхэм пыщIэныгъэ яхуиIэну захуигъэзащ, сабийхэр щагъасэкIэ Тхьэр къадэIэпыкъуну ехъуэхъуащ.
Гимназием и унафэщI щоджэн нэхъыжь Знаменский Иоанн Пастыр нэхъыщхьэм фIыщIэ хуищIащ и чэнджэщ Iущхэм папщIэ, егъэджакIуэхэмрэ еджакIуэхэмрэ и нэIэ зэратригъэтыр, мылъкукIэ зэразыкъыщIигъакъуэр къыхигъэщу. ЕгъэджакIуэхэр Щихънагъым ехъуэхъуащ и юбилеймкIэ, усэ тыгъэ хуащIри.