Пятигорск епархием и Епархием и советым и зэIущIэ 2024 гъэм жэпуэгъуэм и 1-м зэхэтащ. Ар Пятигорск, Черкесск щIыналъэхэм я архиепископ Феофилакт къызэIуихащ Москварэ Урысей псомрэ я Патриарх ЛъапIэ Кирилл 2023 гъэм епархием и отчетым щищIа и резолюцэмкIэ.
Урыс Члисэм и УнафэщIым къыхигъэщащ Тхьэм и нэфI зыщыхуа Кавказым «Радость Слова» выставкэмрэ чристэн тхылъым и махуэмрэ зэрыщрагъэкIуэкIар. ЗэIущIэм хэтхэм фIыщIэ хуащIащ я Iэтащхьэм епархием и члисэ гъащIэм хуищI гулъытэм папщIэ.
ЗэIущIэм упщIитI траухуащ Бештаурскэ къулъшырыфыр илъэси 120-рэ зэрырикъум. ШыщхьэуIу зэхыхьэхэр къызэзыгъэпэщахэм фIыщIэ хуащIри, советым хэтхэм къыхагъэщащ «Пятигоский Афон» выставкэ КИФЩI-м и къалащхьэм щекIуэкIым лъахэхутэ музейм абы зэрыщыпащэр. Епархием и нэгъуэщI къалэхэм щыпсэухэри къыхураджащ а гъэлъэгъуэныгъэм зыхагъэгъуэзэну.
Епархием и гъащIэм мыхьэнэ зиIэ къэхъугъэу къыщалъытащ «Мамино письмо» фильмыр зэрагъэлъэгъуар. Советым хэтхэм фIыщIэ хуащIащ фильмым и продюсер, «Спас» телеканалым и унафэщI Корчевников Борис унагъуэм и лъапIэныгъэхэм гулъытэ зэрыхуищIым папщIэ, Пятигорск фильмыр щагъэлъагъуэм зэрыкIуари хыхьэу.
Апхуэдэу епархием и щоджэнхэм я дежкIэ мыхьэнэ иIащ щоджэнхэр дзэ Iуэху хэхам и сымаджэщым къулыкъу щащIэным хуэгъэхьэзырынымкIэ Синод къудамэм и семинарым. ЩэкIуэгъуэм япэу абы и ужь ихьэну жаIащ.
Нэхъыбэу тепсэлъыхьащ экстремист, неояыческэ Iуэхухэм. Ди щIыналъэм апхуэдэхэм узэрыпэщIэтыну Iэмалхэр щыIэми, иджыри IэмалыщIэхэм хуэкIуэн хуей хъуащ. Экстремизмыр зэбгрымыгъэкIыным узэрыпэщIэтыну щIыкIэхэм къытеувыIащ.