Никольскэ соборым щыIэ «Святыни земли родной» члисэ-музейм щекIуэкIащ УФ-м и ТхакIуэхэм я зэгухьэныгъэм хэт, Патриаршэ литературэ саугъэт зыхуагъэфэща, Аксаков С. Т. и литературэ саугъэтыр, «Югра» саугъэтыр зрата, «Просвещение через книгу», «Культура Россиии» зэпеуэхэм хэта Богдановэ Иринэ.
Соборым и унафэщI щоджэн нэхъыжь Знаменский Иоанн хьэщIэр зэхуэсахэм яригъэцIыхуа нэужь и махуэмкIэ ехъуэхъуащ икIи Тхьэр къыдэIэпыкъуну, творческэ ехъулIэныгъэхэр иIэну зыхуигъэзащ.
ТхакIуэ цIэрыIуэм епсэлъэну зэхуэсащ соборым екIуалIэхэр, Кисловодск къалэм щыпсэухэр, Кавказым и Минводы и къалэхэм щыпсэухэр. Иринэ тепсэлъыхьащ и лъабжьэм – и адэшхуэ щоджэн Николаевскэ Михаил, пащтыхь Николай ЕтIуанэм и шыпхъум и ныбжьэгъуу щытам, щоджэн нэхъыжь Чельцов Михаил и гъусэу Хэкум ирагъэIэпхъукIам, щапхъэу къалъыта сабий екIуэлIапIэ пащтыхь гуащэ Александрэ и цIэр зезыхьэ члисэм и унафэщIу щытам. КлирикитIри 1931 гъэм щIышылэм и 7-м яукIащ. Иринэ жиIащ абыхэм я фэеплъыр зыщагъэгъупщэ зэрымыхъунур, Тхьэ хуелъэIун зэрыхуейр.
И гъащIэм щытепсэлъыхьым, Иринэ къхыигъэщащ гувауэ тхэн зэрыщIидзар, илъэс 48-м иту. Я нэхъыжьхэм теухуа тхыгъэкIэ, иужькIэ сабий таурыхъкIэ зэрыщIидзар. Мы зэманым абы итхащ икIи къыдигъэкIащ тхылъ 24-рэ, илъэс зэмылIэужьыгъуэхэм дунейм ехыжахэу, ди къэралым и тхыдэм къыгуэхыпIэ зимыIэм, Тхьэм фIэщхъуныгъэ зэрыхуиIэр и тхыгъэхэм къызэрыхэщым.