2024 гъэм жэпуэгъуэм и 13-м Новопавловск къалэм Тэрч къэзакъыдзэм и атаман, къэзакъ генерал Бондарев Василий бюст къыщыхузэIуахащ. Зэхыхьэм и хьэщIащ урысейпсо къэзакъ зэгухьэныгъэм и атаман генерал Кузнецов Виталий, Тэрч къэзакъыдзэм и атаман есаул Савченкэ Владимир, Кировскэ къалэ округым и администрацэм и Iэтащхьэ Новопашин Николай.
Бюстыр къызэIухыным хэтащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан, дзэ щоджэн Самойленкэ Павел.
Зэхыхьэр ирагъэжьащ Василий и кхъащхьэм деж Тхьэ щелъэIуу икIи бюстыр къалэ утым къыщызэIуахащ, щоджэнхэр, къэзакъхэр, жылагъуэ лэжьакIуэхэр, къалэдэсхэр щызэхуэсар. ПэкIум ягу къыщагъэкIыжащ генерал Бондарев и фэеплъыр, удз гъэгъахэр и кхъащхьэм тралъхьэри.
***
Къэзакъ генерал Бондарев Василий Тэрч къэзакъыдзэм 2000 гъэм щыщIэдзауэ 2012 гъэ пщIондэ и атаману щытащ, Кавказ Ищхъэрэм къэзакъыгъэм зыщегъэужьыным хэтащ. Генерал Бондарев и зэфIэкIхэр тэрч къэзакъхэм я щIэблэм я щапхъэщ.