2024 гъэм жэпуэгъуэм и 14-м Покров махуэшхуэм Черкесск къалэм и Покров члисэм и зэгухьэныгъэм пащтыхь шэнтиуэ махуэшхуэр щагъэлъэпIащ. Махуэшхуэм, къалэ администрацэр и дэIэпыкъуэгъуу, члисэм и IуплъапIэр, тхьэнапэхэр зэрагъэпэщыжащ. ТхьэлъэIу лиутргие нэужьым члисэм и хъуреягъкIэ зэгъусэ тхьэлъэIу щрагъэкIуэкIащ, къэзакъхэр жыджэру зыхэтар.
ТхьэлъэIу нэужьым члисэ хорым уэрэд жиIащ, сабий хорым и гъусэу, регент Нартовэ Еленэ зэригъакIуэм игъэзэщIащ махуэшхуэм и хьэщIэхэм я пащхьэм тхьэлъэIу, светскэ лэжьыгъэхэр. Зэхуэсахэм ехъуэхъуащ Черкесск къалэм и мэрым и къуэдзэ Иенсен-Данильчук Еленэ, Покров члисэм къалэмрэ абы щыпсэухэмрэ я дежкIэ и мыхьэнэм къытеувыIам. Апхуэдэу екIуэлIапIэм кIуэхэм захуигъэзащ КъШР-м и Жылагъуэ палатэм и унафэщI Ляшовэ Еленэ члисэмрэ Свято-Сергиевскэ гимназиемрэ я зэпыщIэныгъэр ягу къэзыгъэкIыжар. Махуэшхуэ тхьэлъэIу нэужьым псапэ шэджэгъуашхэ къызэрагъэпэщащ. Абы екIуэлIапIэм кIуэ цIыху щэ ныкъуэм щIигъу ирагъэблэгъащ, члисэм и хьэщIэхэр щIыгъуу.