2024 гъэм жэпуэгъуэм и 21-м Кисловодск къалэ-зыгъэпсэхупIэм и Никольскэ соборым щекIуэкIащ Пятигорск епархием Кисловодск округым и щоджэнхэм я зэхуэс.
ЗэIущIэр иригъэкIуэкIащ благочиннэ щоджэн нэхъыжь Знаменский Иоанн. Абы щыхэплъащ екIуэлIапIэм и гъащIэм теухуа Iуэхугъуэхэмрэ тхьэлъэIу практикэмрэ. Зэхуэсахэм гулъытэ нэхъыбэ хуащIащ чристэнхэм я тхьэлъэIухэм, Межсоборнэ Пристуствием игъэхьэзырахэм.
Благочиннэр къытеувыIащ екIуэлIапIэм и егъэджакIуэхэмрэ пэщIэдзэ классхэм я егъэджакIуэхэмрэ къапэщылъ семинархэм, ОРКСЭ курсыр езыгъэджхэм, екIуэлIапIэм кIуэхэм я курсхэм, жэпуэгъуэм и 30-м тхьэлъэIухэр зэрырагъэкIуэкIыр ягу къигъэкIыжащ лажьэншэу хэкIуэда е ягъэтIыса чристэнхэм папщIэ икIи къыхигъэщащ абы ирихьэлIэу Никольскэ соборым «Русская Голгофа» выставкэр къызэрыщызэIуахыр.
Благочиннэм дин щIэныгъэмрэ катехизацэмкIэ и дэIэпыкъуэгъу щоджэн Лиманов Георгий зэфIагъэкIахэм къытеувыIащ.
Зэхуэсым щытепсэлъыхьащ щоджэнхэм я XIV Епархие Хъуромэ къеджэныгъэхэм.
Иоанн щоджэнхэр къыхуриджащ школхэм нэхъ жыджэру ядэлэжьэну, дзэ Iуэху хэхам хэтхэмрэ абыхэм я унагъуэхэмрэ ядэIэпыкъуну.