Кисловодск къалэм и къэрал техникумым щытепсэлъыхьащ «Межнациональные конфликты в студенческой среде: проблемы и пути решения» зэIущIэм. ЦIыхубэ зэкъуэтыныгъэм и махуэм ирихьэлIэу къызэрагъэпэща зэIущIэм хэтащ техникумым и студентхэр, куржы, къэрэшей, осетин, алыдж, азербайджан зэгухьэныгъэхэм я студентхэр, Ставрополь крайм и муфтийм и къуэдзэр, Никольскэ соборым и щоджэн нэхъыжь Чеканов Димитрий.
Димитрий тепсэлъыхьащ экстремизмым социальнэ сайтхэм зэрызыщиубгъум, абы узэрыпэщIэтынум. Щоджэным къыхигъэщащ дэтхэнэ зы цIыхуми и гум гъунэгъур фIыуэ илъагъумэ, пщIэ хуищIмэ, лъагъумыхъуныгъэ, терроризм, экстремизм жыхуэтIэ мыхъумыщIагъэхэр зэрыкIуэдыжынур.
Зэхыхьэр щиухым унафэщIым и къалэнхэр зыгъэзащIэ Сорокинэ Наталье фIыщIэ яхуищIащ зэIущIэм хэтхэм зэдащIа лэжьыгъэхэм папщIэ икIи дяпэкIи зэхуэзэну зэрыщыгугъыр къыхигъэщащ