2024 гъэм щэкIуэгъуэм и 27-м Черкесск къалэм ГъуазджэхэмкIэ и сабий школым щекIуэкIащ Никольскэ соборым и щоджэн Гурин Александррэ еджакIуэхэмрэ я зэIущIэ. Ар теухуауэ щытащ щIалэгъуалэм я IуэхущIафэхэмкIэ жэуап яхьыным, терроризмым зэрыпэщIэтынум.
Сабийхэм ягу къагъэкIыжащ Тхьэм и унафэхэр, цIыхухэм я дежкIэ абы и мыхьэнэм къытеувыIащ. Александр къыхуриджащ хъыбар псоми я пэжыпIэр зэхамыгъэкIауэ я фIэщ ямыщIыну, интернетым илъхэм яхуэсакъыну, диным и лэжьакIуэхэм зыхуагъэзэну.
Зэпсэлъэныгъэм и етIуанэ Iыхьэр траухуащ гуапагъэм. ЕджакIуэхэр тепсэлъыхьащ гуапагъэ зэралэжьыфынум. Сабийхэм щоджэным зыхуагъэзащ я упщIэхэмкIэ.