2024 гъэм дыгъэгъазэм и 8-м, махуэ щэ ныкъуэм къыкIэлъыкIуэ тхьэмахуэ 24-м, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск къалэм и Спасскэ кафедральнэ соборым. Щоджэн нэхъыщхьэм къулыкъур драгъэкIуэкIащ соборым и щоджэнхэм. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ. ХъыбарыфIхэр зэрыт тхылъ лъапIэм къыщыхьахэм къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ.
Литургием хыхьэу архиепископ Феофилакт Ставрополь духовнэ семинариер къэзыуха Мовчанов Андрей къардэн къулыкъур хуагъэфэщащ.
Литургие нэужьым Пастыр нэхъыщхьэм махуэшхуэр игъэлъэпIащ, тыхь щIапIэм Тхьэм и Анэм и теплъэр щIихьащ. ТхьэлъэIу нэужьым щоджэн нэхъыщхьэр екIуэлIапIэм кIуэхэм щепсэлъащ Пятигорск епархием и ЩIалэгъуалэ центрым.