2024 гъэм дыгъэгъазэм и 13-м, щихъ апостол Первозванный Андрей и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Железноводск къалэм и Покров члисэм.
Щоджэн нэхъыщхьэм къулыкъур дригъэкIуэкIащ Пятигорск епархием и Административнэ секретариатым и унафэщI щоджэн Яковенкэ Илия, Минераловодскэ члисэ округым и щоджэнхэм благочиннэ щоджэн нэхъыжь Копач Иоаннрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къалэм и члисэхэм кIуэхэр.
Литургие нэужьым Щихънагъыр Тхьэ елъэIуащ апостол Андрей папщIэ, фIэщхъуныгъэ зиIэхэм узэщIыныгъэкIэ захуигъэзащ икIи а махуэм къалъхуахэу – члисэм и унафэщI щоджэн нэхъыжь Бондарчук Андрейрэ къардэн Мовчанов Андрейрэ ехъуэхъуащ.
ТхьэлъэIу нэужьым унафэщIым архиепископ Феофилакт хигъэгъуэзащ тхьэнапэр къызэрагъэщIэрэщIэжам, Ставрополь къалэм и Андреевскэ соборым къикIыу Покров члисэм 1996 гъэм къагъэIэпхъуауэ члисэм щахъумэм.