2024 гъэм дыгъэгъазэм и 14-м Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск къалэм и Спасскэ кафедральнэ соборым. А махуэм илъэс 12 ипэкIэ Пятигорск епархием и члисэ нэхъыщхьэр игъэнэхуащ Москварэ Урысей псомрэ я Патриарх Кирилл.
Щоджэн нэхъыщхьэм къулыкъур драгъэкIуэкIащ КИФЩI-м и къалащхьэм и щоджэнхэм Пятигорск епархием и Административнэ секретариатым и унафэщI щоджэн Яковенкэ Илия я пашэу, соборым и щоджэнхэм. Щоджэн нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
Литургие нэужьым Щихънагъыр щоджэнхэмрэ соборым екIуалIэхэмрэ ехъуэхъуащ соборыр зэрагъэнэхурэ илъэс бжыгъэ зэрырикъумркIэ икIи фIэщхъуныгъэ зиIэхэм узэщIыныгъэкIэ захуигъэзащ.