Хъуромэ махуэхэм, Успенскэ Второафонскэ Бештаурскэ ц1ыхухъу къулъшырыфым и Георгиевксэ члисэм и ужь щихьащ гуэныхьхэр 1уэтэжыным и щэхухэм. Къулъшырыфым и щоджэн нэхъыжь Лиманов Гермоген узэщ1ыныгъэк1э захуигъэзащ. Апхуэдэу а махуэм тхьэлъэ1у литургие щрагъэк1уэк1ащ Успенскэ соборым, Пятигорск, Черкесск щ1ыналъэхэм я архиепископ Феофилакт, къулъшырыфым и щоджэнархимандритым иригъэк1уэк1ар.
Тхьэм и Анэм и Къэзан тхьэнапэм и ц1эр зезыхьэ члисэм гуэныхьхэр ща1уэтэжащ ик1и Ессэнт1ыгу члисэ округым и щоджэнхэм я зэхуэс щек1уэк1ащ. Гуэныхьхэр 1уэтэжыным и щэхухэм и пэ къихуэу благочинием и щоджэн нэхъыжь Дмитриенкэ Сергей зэхуэсахэм ехъуэхъуащ Хъуромэ нэщ1ымк1э ик1и Тхьэр къадэ1эпыкъуну захуигъэзащ. Щоджэнхэм защыхуигъазэм, ягу къигъэк1ыжащ гуэныхьхэм зыщахъумэн зэрыхуейр. Щэхухэм и ужь щоджэнхэм я зэхуэс зэхэтащ, Ессэнт1ыгу благочинием и щоджэнхэр ек1уэл1ап1эм и гъащ1эм тепсэлъыхьащ.
Минводы къалэм и Покров члисэм щек1уэк1ащ Пятигорск епархием и Минераловодскэ округым и щоджэнхэм я зэхуэс ик1и гуэныхьхэр ща1уэтэжащ. Зэхуэсым благочиннэ щоджэн нэхъыжь Копач Иоанн гу лъаригъэтащ къэблагъэ Христос и Хъуромэмрэ Тхьэр умэхъын щащ1а махуэшхуэмрэ. Гуэныхьхэр 1уэтэжыным хыхьэу благочинием и щоджэн нэхъыжь Макаров Николай ягу къигъэк1ыжащ щихъ Кронштадтский Иоанн щоджэнхэм зэразыхуигъазэу щыта псалъэхэр.
Щихъ Столпник Симеон и ц1эр зезыхьэу Налшык къалэм дэтым Пятигорск епархием и Налшык благочинием и щоджэнхэм гуэныхьхэр ща1уэтэжащ. Ар иригъэк1уэк1ащ благочинием и щоджэн нэхъыжь Лиманов Гермоген. Щоджэнхэм абы захуигъэзащ узэщ1ыныгъэк1э ик1и къыхуриджащ ф1ык1э захъуэжыну. Округым и благочиннэ щоджэн нэхъыжь Бобылев Валентин щоджэнхэм яжри1ащ къэблагъэ зэхыхьэхэм, тхьэлъэ1ухэм теухуахэр, Епархием и Зэхуэс зэрек1уэк1ынур, республикэм Епархием и псейр зэрыщагъэувынур.