Налшык къалэм ПечатымкIэ и унэм щагъэлъэпIащ «Верное слово» зэпеуэм и щIыналъэ Iыхьэм щытекIуахэр. Къэбэрдей-Балъкъэрым ар япэу щрагъэкIуэкIащ. Ар къызэрагъэпэщащ УФ-м и Журналистхэм я зэгухьэныгъэмрэ Пятигорск епархием Налшык щиIэ благочиниемрэ. КъэпщытакIуэхэм я лэжьыгъэм кърикIуахэм иужькIэ текIуахэр къагъэлъэгъуащ.
«Согласие» унэтIыныгъэм щытекIуащ Ашэбокъуэ Дамирэ - «1 КБР» телеканалым урысыбзэ нэтынхэр щезыгъэкIуэкIыр.
«Человек веры» Iыхьэм къыхэжаныкIащ Еремеевэ Иринэ - «Прохладненские известия» газетым штатым хэмыт и корреспондентыр.
«Божий мир» унэтIыныгъэм щытекIуащ «ПРОХЛАДНЕНСКИЕ ИЗВЕСТИЯ» газетыр, абы и редактор нэхъыщхьэр Даврановэ Светланэщ.
ТекIуахэм саугъэтхэр иратащ Налшык округым и благочиннэ щоджэн нэхъыжь Бобылев Валентинрэ КъБР-м и Журналистхэм я зэгухьэныгъэм и унафэщI Жыласэ Заурбэчрэ.