2025 гъэм щIышылэм и 1-м Успенскэ Второафонскэ Бештаурскэ цIыхухъу къулъшырыфым и Успенскэ соборым и щоджэнархимандрит, Пятигорск, Черкесск щIыналъэхэм я архиепископ Феофилакт япэ тхьэлъэIу литургиер щригъэкIуэкIащ.
Щоджэн нэхъыщхьэм къулыкъур драгъэкIуэкIащ къулъшырыфым и щоджэнхэм, Пятигорск епархием и ЕссэнтIыгу члисэм и благочиннэ щоджэн нэхъыжь Фещенкэ Стефан, Архыз Ищхъэрэ къуажэм и члисэм и унафэщI иеромонах Елевферий (Казаков), щоджэнхэу Фоменкэ Сергий, Тарнакин Андрей, къардэнхэу Галумов Максим, Фещенкэ Иоанн.
Пастыр нэхъыщхьэм и гъусэу Тхьэ елъэIуащ Кавказым и Минводы къалэхэм къикIыу щIыналъэ лъапIэм Тхьэ елъэIуну кIуахэр. ТхьэлъэIу нэужьым зэхуэсахэм тыгъэ хуащIащ Успенскэ соборым и теплъэр.
А махуэм къулъшырыфым ягу къыщагъэкIыж япэ унафэщI архимандрит Силуан (Хараим). Архиепископ Феофилакт щоджэнхэмрэ хьэщIэхэмрэ я гъусэу удз гъэгъахэр трилъхьащ абы и кхъащхьэм икIи тхьэлъэIур ирагъэкIуэкIащ.