2025 гъэм щIышылэм и 8-м, ЕссэнтIыгу къалэм, Петропавловскэ члисэ комплексым махуэшхуэр щагъэлъэпIащ, Кавказым Тхьэ щелъэIум и махуэм.
Иужьрей илъэсхэм ар хабзэ щыхъуащ Тхьэм и нэфI зыщыхуа Кавказым. ХьэщIэхэр, Кавказым и Минводы щыпсэухэр, нэгъуэщI щIыпIэхэм Тхьэм елъэIуну къикIахэр зэдогуфIэ: Камчаткэм, Сыбырым, Москва, Санкт-Петербург, Воронеж, Курск, Самарэ, Новгород Ипщэм…
ХьэщIэхэм фIэхъус ярихащ Пятигорск епархием ЕссэнтIыгу округым щиIэ благочиннэ щоджэн нэхъыжь Фещенкэ Стефан, епархием и «Кавказский паломник» IуэхущIапIэм и унафэщI Логвиненко Ларисэ.
Тхьэмахуэ школым и гъэсэнхэм спектакль мыин ягъэлъэгъуащ.
«Казачья Душа» ансамблым зыкъигъэлъэгъуащ, уэрэдхэр жаIащ.
Пятигорск епархием и гупми зыкъигъэлъэгъуащ гукъинэжу, лъэпкъ куэдым я Хъуромэ уэрэдхэр ягъэзэщIащ Спасскэ кафедральнэ соборым и щоджэнхэм я хорым.
IуэхущIапIэм IэпщIэлъапщIэхэм я IэрыкIхэр щагъэлъэгъуащ, псапэ Iуэхуи къыщызэрагъэпэщащ, Анэхэм я унэр хэту.