Кисловодск къалэм и Чристэн Свято-Никольскэ классическэ гимназием махуэшхуэ концерт щекIуэкIащ, Христос и Хъуромэм теухуауэ.
Абы хэтащ гимназием и егъэджакIуэ иеромонах Иоанн (Галумов), егъэджакIуэхэр, гимназием и гъэсэнхэр, абыхэм я адэ-анэхэр. Махуэшхуэм и пэ къихуэу абы хэтахэм Хъуромэ тропарыр жаIащ.
Гимназием и гъэсэнхэр усэ къеджащ, къэфащ, хъуромэ колядкэхэр жаIащ. Япэ классым кIуэхэм таурыхъ къагъэлъэгъуащ, псейр ягъэдахэу. Хъуромэ уэрэдхэр жаIащ члисэ уэрэдхэр жыIэнымкIэ я унафэщI Игнатенкэ Еленэрэ унафэщIым гъэсэныгъэ лэжьыгъэхэмкIэ и къуэдзэ, гимназием и хорым и унафэщI Синявская Татьянэрэ я нэIэм щIэту.
Концерт нэужьым гимназием и гъэсэнхэр къэфащ, уэрэд жаIащ, Уае Дадэмрэ Уае Гуащэмрэ я гъусэу къуажэхьхэр къащIащ. Махуэшхуэр и кIэм щынэблагъэм Иоанн абы хэтахэм фIыщIэ яхуищIащ, гуфIэгъуэ къызэрыратам папщIэ икIи хъуромэ саугъэтхэр иратащ гимназием и къызэгъэпэщакIуэ, Пятигорск, Черкесск щIыналъэхэм я архиепископ Феофилакт къыбгъэдэкIыу.