2025 гъэм щIышылэм и 18-м, махуэшхуэм и пэ къихуэу, Пятигорск, Черкесск щIыналъэхэм я архиепископ Феофилакт Черкесск къалэм и Покров члисэм Тхьэ щелъэIуащ. Щоджэн нэхъыщхьэм къулыкъур драгъэкIуэкIащ члисэм и унафэщIхэм унафэщI, Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуащ Кубань къэзакъыдзэм и Баталпашинскэ къудамэм и къэзакъхэмрэ республикэм и къалащхьэм щыпсэухэмрэ. ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.
КъыкIэлъыкIуэу, хабзэ зэрыхъуауэ, архиепископ Феофилакт Кубаныпсыр игъэнэхуащ «Зелёный остров» паркым деж округым и щоджэнхэм я гъусэу. Махуэшхуэм щызэхуэсащ Черкесск къалэм щыпсэухэр. Щоджэн нэхъыщхьэр зэхуэсахэм ехъуэхъуащ.
Махуэшхуэм и пщэдджыжьым, 2025 гъэм щIышылэм и 19-м архиепископ Феофилакт тхьэлъэIу литургиер щригъэкIуэкIащ Черкесск къалэм и Никольскэ соборым. Щоджэн нэхъыщхьэм къулыкъур драгъэкIуэкIащ соборым и щоджэнхэмрэ къардэн нэхъыжь Кубэ Димитрийрэ. Литургие нэужьым Щихънагъым тхьэлъэIум хэтахэм узэщIыныгъэкIэ захуигъэзащ.
ЗэIущIэм хэтахэр ягъэлъэпIащ. Члисэ тхыдэмрэ къэзакъыгъэмкIэ и музейм Пастыр нэхъыщхьэм Архиерейм къыбгъэдэкI щIыхь тхылъхэр волонтёрхэм дзэ Iуэху хэхам хэтхэм я дэIэпыкъуэгъухэм щыхуагуэшащ Никольскэ соборым.