2025 гъэм щIышылэм и 20-м Пятигорск щекIуэкIащ Тэрч къэзакъыдзэм и атаманхэм я совет. Абы хэтащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан, атаманхэм Пятигорск, Черкесск щIыналъэхэм я арэзыныгъэр лъэзыгъэIэсам.
Дзэ атаманым и унафэщI Савченкэ Владимир и гъусэу тэрчдэсхэр къытеувыIащ урысейпсо къэзакъ зэгухьэныгъэм и зэхуэсышхуэм, Москва мазаем и кIэм щекIуэкIынум, ТекIуэныгъэм и Парад Ут Плъыжьым зыщызыхуагъэхьэзырым.
Къэзакъхэр апхуэдэу тепсэлъыхьащ щIалэгъуалэм я гъэсэныгъэм, къэзакъхэм я дзэ-спорт клубым зегъэужьыным, егъэджэныгъэ IуэхущIапIэхэм ядэлэжьэным.
Советыр и кIэм щынэблагъэм атаманхэм ягъэлъэпIащ дзэ Iуэху хэхам хэтхэр, дзэ медалхэр, дзэ атаманым къыбгъэдэкI щIыхь тхылъхэр иратащ.