2025 гъэм мазаем и 3-м Черкесск къалэм и курыт школ №6-м и 9 «Б» классыр Никольскэ соборым члисэмрэ къэзакъыгъэмкIэ и тхыдэ музейм зыщыхагъэгъуэзащ Сталинград зауэм и тхыдэм, 1943 гъэм мазаем и 2-м иухам. Сталинград зауэм теухуауэ тхылъхэм ихуа сурэтхэм еплъащ, ди щIыналъэм иса лIыхъужьхэм зэрахьа лIыгъэмрэ абы хэкIуэдахэм я бжыгъэмрэ едэIуащ.
Къэрэшей-Шэрджэсым и ветеранхэм къащIэна фэилъхьэгъуэхэр, орденхэмрэ медалхэмрэ еджакIуэхэм гъэщIэгъуэн ящыхъуащ. Апхуэдэт щоджэн нэхъыжь Афонин Василий, Пономарев Николай, Козырь Пётр, къардэн нэхъыжь Гамиев Василий.
НыбжьыщIэхэм апхуэдэу зыхагъэгъуэзащ «Специальная военная операция» выставкэми. Музейм еджакIуэхэм защригъэплъыхьащ Никольскэ соборым и щоджэн Гурин Александррэ «Царьград» зэгухьэныгъэм и къудамэм и унафэщI Струговев Денисрэ.
