2025 гъэм мазаем и 15-м Черкесск къалэм ТекIуэныгъэм и Паркым щекIуэкIащ жылагъуэ зэхыхьэ, совет зауэлIхэр Афганистаным къызэрырашыжрэ илъэс 36-рэ зэрырикъум теухуауэ. ПэкIум ягу къыщагъэкIыжащ Къэрэшей-Шэрджэсым щыщу илъэсипщIкIэ екIуэкIа а зауэм цIыху 800 зэрыхэтар. Абы щыщу 42-р хэкIуэдащ, я къалэн ягъэзащIэу. Абыхэм зы дакъикъэкIэ яхуэщыгъуащ. Щоджэн Гурин Александррэ имам Семэн Динисламрэ хэкIуэдахэм Тхьэ яхуелъэIуащ. Зэхуэсахэм зыхуагъэзащ КъШР-м и Iэтащхьэм и лIыкIуэхэмрэ ЦIыхубэ Зэхуэсым (Парламентым) и депутатхэмрэ. ЗауэлI-интернациоанлистхэм я цIэхэр къыщыхьа фэеплъым удз гъэгъахэр тралъхьащ.