2025 гъэм мазаем и 15-м, Сретения махуэшхуэм, Черкесск къалэм и Покров члисэм тхыдэ тхьэнапэхэр яшащ Спартэ къуажэм и Троицкэ члисэм.
2020 гъэм и пэхэм Черкесск къалэм и Покров члисэм и унафэщI щоджэн нэхъыжь Нартов Александр Спартэ къуажэм и Троицкэ члисэм и староста Михайлиди Георгий зыхуигъэзащ Покров члисэм и тхьэнапитIыр къагъэIэпхъэжыну, Спартэ къуажэм икIыу 1981 гъэм яхъумэну ягъэIэпхъуахэр. Ар зэрыратар зэрыт тхылъыр ягъэкIуэдащ. 2020 гъэм гъатхэм Пятигорск, Черкесск щIыналъэхэм я архиепископ Феофилакт тхьэнапэхэр зэрыратыжым арэзы щытехъуащ екIуэлIапIэм и зэхуэсым.
2020 гъэм дыгъэгъазэм и 27-м екIуэлIапIэм и зэхуэсым унафэ къыщащтащ тхьэнапитIыр Спартэ къуажэм и Троицкэ члисэм иратыну. ЕкIуэлIапIэм и зэхуэсым и унафэр илъэситхукIэ ягъэIэпхъуат, Спартэ къуажэм и члисэр зэрызэрагъэпэщыжым къыхэкIыу.
Члисэм и унафэщI щоджэн Иманов Алексий Покров члисэм и екIуэлIапIэм кIуэхэм фIыщIэ яхуищIащ тхьэнапэхэр зэрахъумам папщIэ. Къуажэдэсхэм я дежкIэ абыхэм мыхьэнэшхуэ яIэщ, я нэхъыжьхэу ХХ лIэщIыгъуэм зи псэупIэ къэзыгъэнахэм, ахэр зыхъумахэм я Iэужьу зэрщытым къыхэкIыу. Тхыдэ тхьэнапэхэр, щихъхэу Спиридонрэ Харалампийрэ я теплъэхэр къызэрыщхэр, щихъхэу Саввэрэ Евфимийрэ я теплъэхэм ягъэдэхэнущ Спартэ къуажэм и Троицкэ члисэр.