2025 гъэм мазаем и 23-м Пятигорск щекIуэкIащ III Международнэ музыкэ фестивалым и «Подвиг ратный – подвиг духовный» концертыр. Ар траухуащ ТекIуэныгъэ Иныр къызэрахьрэ илъэс 80 зэрырикъум.
Фестивалым хэтахэр щыIащ Севастополь, Москва, Санкт-Петербург, Смоленск. Хэкум и хъумакIуэхэм я махуэм Москва и Синод хорым тхьэлъэIу литургие щигъэзэщIащ Пятигорск къалэм и Спасскэ кафедральнэ соборым.
Фестивалым и концертыр щекIуэкIащ Пятигорск епархием и ЩIалэгъуалэ центрым. Программэм хагъэхьащ урыс духовнэ музыкэм и макъамэхэр, Чайковскэм, Свиридов, Рахманинов сымэ я лэжьыгъэхэр, зауэ уэрэдхэр, иджырей авторхэм я IэдакъэщIэкIхэр, Домбасс щыщ композиторхэр хыхьэу.
Фестивалыр къыщIыхалъхьар Хэкум и хъумакIуэхэм щапхъэ трагъэхынырщ. Зауэ псори тхьэлъэIукIэ ирагъажьэу щытащ икIи ехъулIэныгъэр я фIэщхъуныгъэмкIэ ягъэбыдэу щытащ.
Проектыр ягъэзащIэ щэнхабзэ жэрдэмхэмкIэ Президент фондыр, Пятигорск епархиер, УФ-м ЩэнхабзэмкIэ и министерствэр, ФедерацэмкIэ Советыр я дэIэпыкъуэгъуу. Фестивалым хэтахэм концертхэр щатащ Владикавказ, мазаем и 25-м Налшык зыкъыщагъэлъэгъуащ