Кисловодск къалэм и Чристэн Свято-Никольскэ гимназием щрагъэкIуэкIащ кIэрахъуэ гъэуэнымкIэ «Отличный стрелок» япэ зэхьэзэхуэр. Ар траухуащ Хэкум и хъумакIуэхэм я махуэм.
Зэпеуэр къызэрагъэпэщащ къалэм егъэджэныгъэмкIэ и управленэм, Чристэн гимназием, «Академия талантов», «Центр молодёжи», Урысей дзэ-тхыдэ зэгухьэныгъэм Ставрополь щиIэ къудамэм.
Зэхьэзэхуэхэм и пэ къихуэу гимназием и хор Синявская Татьянэ зэригъакIуэм игъэзэщIащ «Встань за веру Русская земля» уэрэдыр. 8 классым щIэс Синявская Аринэ фланкировкэ гъуазджэм хигъэгъэузащ. Зэхьэзэхуэм хэтахэм фIэхъус ирихащ къалэм и Iэтащхьэм и къуэдзэ Грачёв Сергей.
Гимназием и щоджэн Чеканов Димитрий зауэлI щихъхэм тепсэлъыхьащ, Хэкур фIыуэ ялъагъуну къыхуриджащ, хуей хъумэ къыщхьэщыжыну, зэхыхьэм хэтахэм текIуэныгъэ къахьыну. ЗэIущIэм и хьэщIащ дзэ Iуэху хэхам хэтахэу Шевчук Игоррэ Сочнев Антонрэ. Чристэн гимназием и гупым япэ увыпIэр къихьащ.
«Авангард» егъэджэныгъэ-методикэ центрым и унафэщI Буров Егор текIуахэм дамыгъэ лъапIэхэр яритащ икIи спортым ехъулIэныгъэхэр къыщахьыну захуигъэзащ.