Къэрэшей-Шэрджэсым и музей-заповедникым и выставкэ залхэм щыIащ Черкесск къалэм и Никольскэ соборым и чристэн щIалэгъуалэр.
Экскурсиер иригъэкIуэкIащ экспозицэ-къэхутакIуэ къудамэм и унафэщI Чапурэ Николай. «Дом национальностей», «Уникальное культурное наследие» экспозицэ залхэм щIалэгъуалэм зыщыхагъэгъуэзащ Къэрэшей-Шэрджэсым XIX – XX лIэщIыгъуэхэм щыпсэуахэм я фэилъхьэгъуэхэр зыхуэдам, къагъэсэбэпу щыта хьэпшыпхэм, IэрыкIхэм.
Апхуэдэу ныбжьыщIэхэм къащIащ республикэм а зэманым щыпсэуа лъэпкъхэм я фащэхэм я тхыдэм игъуэта зэхъуэкIыныгъэхэр зыхуэдэр.
Николай тепсэлъыхьащ щыгъынхэр зэражьыщI, ету зэрытрадзэ хьэпшыпхэми зэхъуэкIыныгъэхэр зэрагъуэтам. Пхъэм къыхэщIыкIауэ къежьа и хьэпшыпхэр иджы гъущIым къыхащIыкI.
Экскурсиер щыщщ «Материальная культура народов Карачаево-Черкесии» щэнхабзэ-узэщIыныгъэ Iуэхум.