2025 гъэм гъатхэпэм и 16-м, нэщI иным и етIуанэ тхьэмахуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск къалэм и Спасскэ кафедральнэ соборым. Щоджэн нэхъыщхьэм къулыкъур драгъэкIуэкIащ соборым и щоджэнхэм. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ. ХъыбарыфIхэр зэрыт тхылъ лъапIэм къыщыхьахэм къеджа нэужь, щихънагъым фIэщхъуныгъэ зиIэхэм узэщIыныгъэкIэ захуигъэзащ.
Архиепископ Феофилакт Тхьэ елъэIуащ схиархимандрит Илия (Ноздрин) папщIэ. Илия Пятигорск епархием къыщацIыхурт икIи фIыуэ ялъагъурт. Ар Кавказым мызэ-мытIэу щыIащ, Успенскэ Второафонскэ Бештаурскэ цIыхухъу къулъшырыфым тхьэлъэIу щригъэкIуэкIырт.
Хабзэ зэрыхъуауэ тхьэлъэIу нэужьым щоджэн нэхъыщхьэм щепсэлъылIащ епархием и ЩIалэгъуалэ центрым.