2025 гъэм гъатхэпэм и 24-м Пятигорск епархием и унэм щекIуэкIащ 2025 гъэм Епархием и советым и япэ зэхуэс Пятигорск, Черкесск щIыналъэхэм я архиепископ Феофилакт и унафэм щIэту.
Пастыр нэхъыщхьэм советым хэтхэмрэ епархием и члисэ округхэм я благочиннэхэмрэ яригъэцIыхуащ Епархием и советым и япэ секретарыр. Урыс Чристэн Члисэм и унафэкIэ ар хуагъэфэщащ щоджэн нэхъыжь Фещенкэ Стефан.
Советым хэтхэм зэхалъхьэжащ Хъуромэ махуэшхуэхэм кърикIуахэр, кавказым и щIыналъэ лъапIэм Тхьэ щелъэIуну къэкIуахэм я махуэмкIэ, «Верное слово» журналист зэпеуэм, чристэн щIалэгъуалэм я махуэмкIэ. Псом хуэмыдэу къыхагъэщащ Москва щекIуэкIа Дунейпсо Хъуромэ егъэджэныгъэ къеджэныгъэхэм епархием и лIыкIуэм зэфIагъэкIа лэжьыгъэхэр, Чристэн тхылъым и махуэр епархием и екIуэлIапIэхэм зэрыщагъэлъэпIар.
Епархием и советым Москва и Синод хорым фIыщIэ хуищIащ Пятигорск епархием и «Подвиг ратный – подвиг духовный» международнэ музыкэ фестивалымрэ щIыналъэ лъапIэм къэкIуахэр Пятигорск и Свято-Троицкэ Серафимово-Дивеевскэ къулъшырыфым гуапэу езыгъэблэгъа Урыс Чристэн Члисэм и Нижегородскэ митрополиемрэ.
Апхуэдэу зэIущIэм щытепсэлъыхьащ Грознэ епархиер епархие щхьэхуэ хъун папщIэ зэрыдэIэпыкъунум.