2025 гъэм гъатхэпэм и 30-м, нэщI Иным и еплIанэ тхьэмахуэм, Пятигорск, Черкесск щIыналъэхэм я архиепископ Феофилактрэ Грозненскэ, Сунженскэ епархиехэр пIалъэкIэ зезыгъакIуэ, Мэхъэчкъалэрэ Дербентскрэ я архиепископ Варлаамрэ тхьэлъэIу литургие щрагъэкIуэкIащ Грознэ къалэм и Михайловскэ члисэм. Щоджэн нэхъыщхьэм къулыкъур драгъэкIуэкIащ Пятигорск епархием и Административнэ секретариатым и унафэщI щоджэн Яковенкэ Илия, Налшык округым и благочиннэ щоджэн нэхъыжь Бобылев Валентин, ЕссэнтIыгу округым и благочиннэ щоджэн нэхъыжь Фещенкэ Стефан, члисэм и унафэщI иеромонах Амвросий (Марченко). Къардэн къулыкъур иригъэкIуэкIащ къардэн нэхъыжь Кубэ Димитрий. ТхьэлъэIу литургие уэрэдхэр игъэзэщIащ Пятигорск епархием и Спасскэ кафедральнэ соборым и хор Кубэ Аннэ зэригъакIуэм. ХъыбарыфIхэр зэрыт тхылъ лъапIэм къыщыхьахэм къеджа нэужь, архиепископ Феофилакт фIэщхъуныгъэ зиIэхэм Инджылым теухуа узэщIыныгъэкIэ захуигъэзащ. ТхьэлъэIу нэужьым архиепископ Варлаам щоджэнхэм фIыщIэ яхуищIащ зэгъусэ тхьэлъэIухэмрэ лэжьыгъэхэмрэ папщIэ, щихънагъ Варлаам Грозненскэ еапрхиер щызэригъакIуэу щытам. Архиепископ Феофилакт екIуэлIапIэм кIуэхэмрэ щоджэнхэмрэ яжриIащ епархиещIэм щIыналъэм и чристэн хабзэхэм зэрыщыпащэнур. Апхуэдэу Щихънагъ Феофилакт Грознэ епархием и секретарь къулыкъур иеромонах Амвросий (Марченко) къалэн зэрыщащIым теухуа унафэр иритащ. ЕкIуэлIапIэм кIуэхэм епсэлъэным щыпащащ Грознэ къалэм и Михайловскэ члисэм. А махуэм архиепископ Феофилакт, Грознэ епархием и секретарымрэ Пятигорск епархием и щоджэнхэмрэ я гъусэу Ингуш Республикэм и Сунжэ къалэм и Покров члисэм щыIащ. Пастыр нэхъыщхьэм IущIащ унафэщI щоджэн Миссюрэ Андрей. Щихънагъыр члисэм Тхьэ щелъэIуащ, екIуэлIапIэм и пэшхэм зыщиплъыхьащ, екIуэлIапIэм и лэжьакIуэхэмрэ абы кIуэхэмрэ епсэлъащ.