2025 гъэм жэпуэгъуэм и 3-м Успенскэ Второафонскэ Бештаурскэ цIыхухъу къулъшырыфым щекIуэкIащ «Молитвенная жизнь и духовный подвиг в казачьем мире» зэIущIэр.
Зэхуэсым хэтащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан, къэзакъ зэгухьэныгъэхэм я щоджэнхэр, къэзакъ щэнхабзэр фIыуэ зылъагъухэм я Тэрч зэгухьэныгъэм щыщхэр, ирагъэблэгъа хьэщIэхэр.
Къулъшырыфым и благочиннэ иеромонах Иоанн (Галумов) тхьэлъэIу нэужьым Успенскэ соборым хьэщIэхэм защригъэплъыхьащ члисэ-тхыдэ музейм и Iэгъуэблагъэм.
Зэхуэсым хэтхэм фIэхъус ярихащ икIи зэIущIэм и лэжьыгъэр къехъулIэну хъуэхъуащ къулъшырыфым и щоджэнархимандрит Пятигорск, Черкесск щIыналъэхэм я архиепископ Феофилакт. Горячеводскэ къэзакъ зэгухьэныгъэм и штабым и унафэщI Пономарев Владимир Пастыр нэхъыщхьэм иритащ тхыдэ хьэпшыпыр – жорым и сурэтыр яухуэ къулъшырыфым и деж щагъэуващ.
Тэрч къэзакъхэм XIX лIэщIыгъуэм я дин гъащIэм теухуа доклад ищIащ тхыдэ щIэныгъэхэм я доктор Клычников Юрэ. Тхыдэ щIэныгъэхэм я кандидат Савенкэ Сергей ищIащ «Создание, перенос и воссоздание церквей как важные события и духовные явления двухсотлетней истории волгских казачьих станиц на Кавминводах» докладыр. Иужьрей докладыр зыщIар къэзакъхэм я щэнхабзэр фIыуэ зылъагъу Тэрч зэгухьэныгъэм и унафэщI Губенкэ Олегщ, Урыс Чристэн Члисэм и къэзакъхэм я лIыгъэм и гугъу ищIри.