2025 гъэм мэлыжьыхьым и 6-м, щихъ, Москварэ Урысей псомрэ я патриарх Тихон дунейм зэрехыжрэ илъэси 100 щрикъум ирихьэлIэу, Пятигорск, Черкесск щIыналъэхэм я архиепископ Феофилкт тхьэлъэIу литургие щригъэкIуэкIащ Константиновскэ станицэм щихъ Тихон и цIэр зезыхьэ члисэм.
Щоджэн нэхъыщхьэм къулыкъур драгъэкIуэкIащ зэман-зэманкIэрэ члисэм и унафэщI къулыкъур езыхьэкIа щоджэнхэм Пятигорск округым и благочиннэ щоджэн нэхъыжь Симанович Олегрэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ станицэм дэсхэмрэ щIыналъэ лъапIэм Тхьэ елъэIуну кIуахэмрэ.
ТхьэлъэIум хыхьэу архиепископ Феофилакт члисэм и унафэщI щоджэн Хлынов Кирилл хуит ищIащ камилавкэр зэрихьэну. Щоджэн нэхъыжь Симанович Олег къеджащ Москварэ Урысей псомрэ я Патриарх Кирилл зэразыкъыхуигъазэ псалъэхэм.
Литургие нэужьым Щихънагъым зэгъусэ тхьэлъэIур иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ. Апхуэдэу архиепископ Феофилакт Архиерей щIыхь тхылъыр иритащ екIуэлIапIэм кIуэ Смолоноговэ Иринэ, щихъ Тихон и къарум щыщ Iыхьэ къызэригъуэтам и гугъу яхуищIащ.