Кисловодск къалэм и Чристэн Свято-Никольскэ классическэ гимназием щек1уэк1ащ «Время Победы» акъылыф1агъэ джэгур. Ар къызэрагъэпэщащ епархием и Щ1алэгъуалэ къудамэм, Кисловодск къалэм и «Центр молоджи» 1уэхущ1ап1эм, гимназием.
Пятигорск епархием и благочиниеу блым щыщ ныбжьыщ1эхэр зэхуэсащ, Хэку зауэшхуэм теухуа я щ1эныгъэр ягъэлъэгъуэн папщ1э. Япэщ1ык1э Синявская Татьянэ зи унафэщI гимназием и хорым щоджэн Вдовин Владимир зэхыхьэм хэтхэм ф1эхъус ярихащ ик1и Тхьэр къадэ1эпыкъуну захуигъэзащ. Гупыр хэтащ зэпеуэм и 1ыхьиблым, Хэку зауэшхуэм, л1ыхъужьхэм, фэеплъхэм, фильмхэм, зауэ уэрэдхэм, Члисэм зауэм щи1э мыхьэнэм теухуа упщ1эхэм жэуап ирату.
Джэгур и к1эм щынэблагъэм къэпщытак1уэ гупым хэтхэм япэ увып1эр иратащ Кисловодск къалэм и «Хранители веры» гупым. Ет1уанэ увып1эр лъагъэсащ Пятигорск къалэм и «Хранители памяти» гупым. Ещанэр иратащ Ипщэ Къэрэшей-Шэрджэс округым и «Баталпашинцы» гупым. Зэпеуэм хэта псоми щ1ыхь тхылъхэмрэ саугъэтхэмрэ иратащ.