2025 гъэм мэлыжьыхьым и 11-м Пятигорск, Черкесск щ1ыналъэхэм я архиепископ Феофилакт игъэнэхуащ Пятигорск къалэм и Михайловскэ соборым и уэзджынэщ1эхэр. Щоджэн нэхъыщхьэм къулыкъур дригъэк1уэк1ащ Пятигорск округым и щоджэнхэм благочиннэ щоджэн нэхъыжь Симанович Олегрэ къардэн нэхъыжь Кубэ Димитрийрэ я пашэу.
Воронеж и 1эпщ1элъапщ1эхэм ящ1а уэзджынэ уап1эм уэзджынибл хохьэ. Нэхъ ин дыдэм и хьэлъагъыр килограмм 850-рэ мэхъу. Нэхъ ц1ык1у дыдэр килограмми 9 мэхъу. Уэзджынэхэм унагъуэм и хъумак1уэхэм я теплъэхэр тетщ. Пасэрей члисэм и япэ уэзджынэхэр ягъэк1уэдыжауэ щытащ Члисэр зэхэзехуэн щащ1ауэ щыта блэк1а л1эщ1ыгъуэм, уэзджынэ нэхъ ц1ык1ур 90 гъэхэм ягъэхьэзыращ. Абы и уэзджынэхэм языныкъуэхэр къэчащ.
Архиепископ Феофилакт тхьэлъэ1у нэужьым щоджэнхэмрэ ек1уэл1ап1эм к1уэхэмрэ захуигъэзащ, къэхъугъэм и тхыдэ мыхьэнэр къыхигъэщу. Щихънагъым ф1ыщ1э хуищ1ащ соборым и унафэщI щоджэн нэхъыжь Дубинский Борис, псапащ1эхэм, ек1уэл1ап1эм к1уэхэм, соборым и уэзджынэм папщ1э ахъшэ зэхэдзэм хэтахэм.