Щоджэн нэхъыжь Великородный Павел, Иноземцевэ къуажэм и Иоанно-Предтеченскэ члисэм и унафэщIыр хэтащ «Защита детства: проблемы, поиски, решения» VIII урысейпсо щIэныгъэ-практикэ конференцэм.
Конференцэр къызэригъэпэщащ Ставрополь къалэм и пединститутым (СГПИ) Железноводск щиIэ къудамэм. Ар теухуауэ щытащ Урысейм сабиигъуэр илъэсипщI хъуауэ зэрыщагъэлъапIэм. Абы хэтащ Железноводск, Пятигорск администрацэхэм я лIыкIуэхэр, депутат Николаев Олег, егъэджакIуэхэр, щIэныгъэлIхэр.
Павел конференцэм хэтхэм ялъигъэIэсащ Пятигорск, Черкесск щIыналъэхэм я архиепископ Феофилакт къыбгъэдэкI арэзыныгъэр. Абы сабийхэм я гъэсэныгъэм теухуа доклад ищIащ икIи фIыщIэ яхуищIащ СГПИ-м и унафэщIхэм, IутIыж фестивалымрэ Хъуромэ махуэшхуэхэмрэ ирагъэкIуэкIынымкIэ къазэрыдэIэпыкъуамкIэ.