2025 гъэм мэлыжьыхьым и 20-м Пятигорск, Черкесск щIыналъэхэм я архиепископ Феофилакт Христос и IутIыж тхьэлъэIур щригъэкIуэкIащ Пятигорск и Спасскэ кафедральнэ соборым. Щоджэн нэхъыщхьэм къулыкъур драгъэкIуэкIащ соборым и щоджэнхэм. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
Пщэдджыжь тхьэлъэIум и пэ къихуэу урысейпсо къэзакъ ззэгухьэныгъэм и атаман Кузнецов Виталий Тэрч къэзакъыдзэм и атаман Савченкэ Владимир и гъусэу члисэм яшащ Христос и цIэр зезыхьэу Иерусалим щыIэ члисэм къраха мафIэм щыщ Iыхьэ. Махуэшхуэ тхьэлъэIум и пэ къихуэу лъапIэныгъэр къэхьыныр къехъулIащ щIыналъэм и губернатор Владимиров Владимир и фIыгъэкIэ.
Литургием Тхьэ щелъэIуащ Урысейм и Президентым и полномочнэ лIыкIуэу Кавказ Ищхъэрэ федеральнэ округым щыIэ Чайкэ Юрэ. Атаманхэри хэтащ махуэшхуэ тхьэлъэIум. Лиутргие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.
Апхуэдэу Спасскэ соборым и тыхь щIапIэм Тэрч къэзакъыдзэм и атаманым къэзакъ полковник погоныр щыхуагъэфэщащ.