2025 гъэм мэлыжьыхьым и 23-м, тхьэмахуэ нэхум и бэрэжьейм Тхьэм и Анэм и «Не рыдай Мене, Мати» тхьэнапэм и цIэр зезыхьэ Успенскэ Второафонскэ Бештаурскэ цIыхухъу къулъшырыфым щрагъэкIуэкIащ IутIыж тхьэлъэIур. ТхьэлъэIу литургиер иригъэкIуэкIащ къулъшырыфым и щоджэнархимандрит Пятигорск, Черкесск щIыналъэхэм я архиепископ Феофилакт.
Щоджэн нэхъыщхьэм къулыкъур драгъэкIуэкIащ къулъшырыфым и щоджэнхэм, Архыз Ищхъэрэм и члисэхэм я унафэщI иеромонах Елевферий (Казаков), къардэн Фещенкэ Иоанн.
Уэрэдхэр игъэзэщIащ Санкт-Петербург духовнэ академием и «Pente oros» ансамблым, Пятигорск епархием и екIуэлIапIэхэм щекIуэкI зэхыхьэхэм хэтхэм.
ТхьэлъэIум хэтащ икIи Христос и щэхухэм зыхагъэгъуэзащ къулъшырыфым щыIэхэмрэ щIыналъэ лъапIэм Тхьэ елъэIуну кIуахэмрэ.
Зэхыхьэ нэужьым зэхуэсахэм архиепископ Феофилакт тхьэлъэIум и фэеплъу Успенскэ соборым и мозаикэ теплъэр тыгъэ хуищIащ.
ХьэщIэхэр IутIыж шхыныгъуэхэр зытет Iэнэм ягъэтIысащ.