2025 гъэм мэлыжьыхьым и 23-м ЕссэнтIыгу къалэм ЩэнхабзэмкIэ и унэм щекIуэкIащ III IутIыж инклюзивнэ фестивалыр. Зэхыхьэм хэтхэмрэ фестивалым къекIуэлIахэмрэ мамырыгъэрэ гуфIэгъуэрэ яIэну хъуэхъукIэ захуигъэзащ Пятигорск, Черкесск щIыналъэхэм я архиепископ Феофилакт.
Махуэшхуэм цIыху 200-м щIигъу зэхуищэсащ, епархием и «Солнечный городок» центрым и нэIэм щIэтхэр, Кисловодск, Пятигорск, Новотерскэ, Юцэ къуажэм, Александрийскэ станицэм, Иноземцевэ къуажэхэм я школ-интернатхэм я егъэджакIуэхэр, зи узыншагъэм сэкъат имыIэ щIалэгъуалэмрэ ныбжьыщIэхэмрэ: сабий садым и гъэсэнхэр, ЕссэнтIыгу къалэм и СГПИ-м и къудамэм и студентхэр, къалэм и къэфакIуэ, уэрэджыIакIуэ гупхэр.
Фестивалыр щIэщыгъуэ икIи гъэщIэгъуэн хъуащ. Номер куэд траухуащ урысхэм я цIыхубэ творчествэмрэ зауэмрэ.
ЗэIущIэр къызэгъэпэщынымкIэ дэIэпыкъуэгъу хъуащ Кулаков Роман и цIэр зэрихьэу ЕссэнтIыгу щыIэм и школ №1-м и еджакIуэхэр.
IутIыж фестивалыр и кIэм щынэблагъэм Пятигорск, Черкесск щIыналъэхэм я архиепископ Феофилакт псапащIэхэм къабгъэдэкIыу саугъэтхэр иратащ. Концерт нэужьым хьэщIэхэмрэ абы хэтахэмрэ шей ефэну ирагъэблэгъащ.
Фестивалыр щагъэлъэгъуащ «Солнечный город» центрым и социальнэ сайтхэм.