2025 гъэм мэлыжьыжьым и 15-м Карачаевск къалэм япэу щекIуэкIащ КъШР-м и жылагъуэ Палатэм и «Гражданская активность и социальная ответственность: традиции и современность» щIыналъэ зэхуэсыр. Ар Умаров Алий и цIэр зезыхьэ КЧГУ-м и утым къыщызэрагъэпэщащ.
Зэхыхьэр къызэIуихащ Жылагъуэ палатэм и унафэщI Ляшовэ Еленэ, IуэхущIапIэм и лэжьыгъэхэм, цIыхухэм, жылагъуэ зэгухьэныгъэхэм, унафэщIхэм я зэдэлэжьэныгъэм и мыхьэнэр къыхигъэщу.
ЗэIущIэм къыщыпсэлъащ унафэщIхэр, жылагъуэ IуэхущIапIэхэм щыщхэр. Абыхэм къыхагъэщащ цIыхухэм я жыджэрагъым и мыхьэнэр, лъэпкъ зэмылIэужьыгъуэхэм щыщхэр зэпсэлъэн зэрыхуейр, лъапIэныгъэхэм щIыналъэм зиужьынымкIэ мыхьэнэ зэраIэм. Пятигорск епархием и лIыкIуэу абы хэтащ Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр, Никольскэ соборым и щоджэн Гурин Александр.
Гулъытэ нэхъ ин хуащIащ Черкесск и Никольскэ соборым екIуалIэхэм, дзэ Iуэху хэхам щыIэхэм ядэIэпыкъухэм, гуманитарнэ дэIэпыкъуныгъэ хуэзыщIэхэм. Щоджэн нэхъыжь Нартов Александр Пятигорск, Черкесск щIыналъэхэм я архиепископ Феофилакт къыбгъэдэкI фIэхъусыр зэхуэсахэм ярихыжащ икIи къыхигъэщащ гуманитарнэ дэIэпыкъуныгъэхэм лъэпкъ зэмылIэужьыгъуэхэм, дин щхьэхуэхэм щыщхэр зэрызэкъуигъэувэр, дэIэпыкъуэгъу щытыкIэ гугъу щихуэкIэ зэрызэхуэхъур.
Зэхуэсым хэтащ унафэщIхэр, депутатхэр, щоджэнхэр, щIыналъэм щыпсэухэр. Пленарнэ зэIущIэ нэужьым секцэхэм щыпащащ зэхыхьэм, Черкесск щыщ щоджэнхэр жыджэру зыхэтам.
ЗэIущIэр щиухым тепсэлъыхьащ Къэрэшей-Шэрджэсым къыщыхъу Iуэхугъуэхэм.