2025 гъэм мэлыжьыхьым и 26-м, тхьэмахуэ нэхум и щэбэтым, Пятигорск, Черкесск щIыналъэхэм я архиепископ Феофилакт, Грозненскэ епархиер пIалъэкIэ зезыгъакIуэм тхьэлъэIу литургие щригъэкIуэкIащ Грознэ къалэм и Михайловскэ члисэм. Щоджэн нэхъыщхьэм къулыкъур дригъэкIуэIкащ епархием и щоджэнхэм унафэщI, Грозненскэ епархием и секретарь иеромонах Амвросий (Марченкэ), къардэн нэхъыжь Кубэ Димитрий я пашэу.
ТхьэлъэIу уэрэдхэр игъэзэщIащ Пятигорск къалэм и Спасскэ кафедральнэ соборым и хорым и ансамблым. Пастыр нэхъыщхьэм и гъусэу Тхьэ елъэIуащ къалэдэсхэр.
Архиепископ Феофилакт епархием и щоджэнхэм тхьэлъэIу-иерархие дамыгъэхэр хуигъэфэщащ. Москварэ Урысей псомрэ я Патриарх Кирилл и унафэкIэ, архиепископ Феофилакт палицэр зэрихьэну хуит ищIащ Грозненскэ епархием и иеромонах секретарь Амвросий (Марченкэ), Шелковская къалэм и Варваринскэ чисэм и унафэщI щоджэн Коваленкэ Сергий. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи екIуэлIапIэм кIуэхэм епсэлъащ.
А махуэ дыдэм архиепискооп Феофилакт Шелковская къалэм и Варваринскэ члисэмрэ Наурская къалэм щаухуа Христос и члисэмрэ щыIащ. Пастыр нэхъыщхьэм екIуэлIапIэм кIуэхэм яритащ мафIэм щыщ, IутIыж тхьэлъэIухэр иригъэкIуэкIащ, фIэщхъуныгъэ зиIэхэм IутIыжымкIэ ехъуэхъуащ гуапэу икIи тхьэлъэIум хэтхэм епсэлъащ.