2025 гъэм мэлыжьыьым и 27-м Пятигорск епархием ЕссэнтIыгу щиIэ округым и благочиннэ щоджэн нэхъыжь Фещенкэ Стефан ЕссэнтIыгу къалэм Невский Александр и цIэр зезыхьэ скверым деж тхьэлъэIу щригъэкIуэкIащ. Абы щызэхуэсащ курыт еджапIэ №5-м и кадетхэр, Никольскэ члисэм екIуалIэхэр, EссэнтIыгу къалэм щыпсэухэр.
Щоджэным ягу къигъэкIыжащ 1840 гъэм щыщIэдзауэ 1950 гъэ пщIондэ абдеж кхъэ зэрыщыIар, я Iыхьлыхэр щыщIалъхьэжу зэрыщытар. 60 гъэхэм кхъэр ягъэбыдащ. ИужькIэ абдеж сквер щаухуащ, курыт еджапIэ №5-р къыщызэIуахащ. 2015 гъэм пасэрей кхъэм деж жор щагъэуващ. Апхуэдиз илъэс бжыгъэ дэкIыжауэ абдеж япэу тхьэлъэIу щрагъэкIуэкIащ, къэзакъхэр, ЕссэнтIыгу къалэм щыпсэухэр хэту.