«Лик Кавказа» хъыбарегъащIэ-публицистикэ газетым и 202-нэ номерым щытопсэлъыхь Иерусалим Христос ЛIахэм къазэрыхэтэджыкIыжам и цIэр зезыхьэ члисэм мафIэ кърахыу Кавказ Ищхъэрэ федеральнэ округым къызэрагъэIэпхъуам. Ар къахьащ урысейпсо къэзакъ зэгухьэныгъэм и атаман Кузнецов Виталийрэ Тэрч къэзакъыдзэм и атаман Савченкэ Владимиррэ. IутIыж пщэдджыжь тхьэлъэIумрэ дзэ Iуэху хэхам щыIэ «Терек» гупыр зыхэта тхьэлъэIу литургиемрэ зэрекIуэкIам щытопсэлъыхь.
Газетым къыщыхьащ Урысей Федерацэм и Президентым и полномочнэ лIыкIуэу Кавказ Ищхъэрэ федеральнэ округым щыIэ Чайкэ Юрэ Пятигорск къалэм и къэзакъ школ №19-м зэрыщыIам теухуа тхыгъэ.
КъыдэкIыгъуэм ихуащ тхыдэ щIэныгъэхэм я кандидат Пыльцын Юрэ и докладыр, генерал Краснов Пётр и гъащIэмрэ гуащIэмрэ теухуар.
Хабзэ зэрыхъуауэ къыдэкIыгъуэм итщ тэрч, кубань къэзакъыдзэхэм я къэзакъ гъащIэм теухуахэр, Пятигорск епархием и Iэгъуэблагъуэм щыIэхэм.