2025 гъэм мэлыжьыхьым и 25-м, ЕссэнтIыгу къалэм зэгъусэ тхьэлъэIу щекIуэкIащ, зыгъэпсэхупIэм ирихьэлIэу хабзэ хъуауэ къызэIуахыр. Пятигорск, Черкесск щIыналъэхэм я архиепископ Феофилакттт и арэзыныгъэкIэ ар иригъэкIуэкIащ Пятигорск епархием ЕссэнтIыгу щиIэ округым и благочиннэ щоджэн нэхъыжь Фещенкэ Стефан благочинием и щоджэнхэм я гъусэу. Зэгъусэ тхьэлъэIум хэтащ къалэм и Iэтащхьэ Крутников Владимир, къалэ думэм и унафэщI Задков Андрей.
ФIэщхъуныгъэ зиIэхэр кIуащ Пантелеимоновскэ члисэм щыщIэдзауэ Тхьэм и Анэм и «Живоносный источник» тхьэнапэм нэс.
Зэгъусэ тхьэлъэIу нэужьым Тхьэм и Анэм и теплъэм деж тхьэлъэIум хэтхэм щехъуэхъуащ икIи Щихънагъым и псалъэхэр ялъигъэIэсащ, зекIуэр къызэгъэпэщынымкIэ къазэрыдэIэпыкъуамкIэ фIыщIэ яхуищIащ администрацэм икIи фIэхъускIэ захуигъэзащ къалэм щыпсэухэмрэ абы и хьэщIэхэмрэ.