2025 гъэм накъыгъэм и 3-м Пятигорск, Черкесск щ1ыналъэхэм я архиепископ Феофилакт тхьэлъэ1у литургиер щригъэк1уэк1ащ Железноводск къалэм и Покров члисэм.
Щоджэн нэхъыщхьэм къулыкъур драгъэк1уэк1ащ Пятигорск епархием и Административнэ секретариатым и унафэщ1 щоджэн Яковенкэ Илиярэ Минераловодскэ члисэ округым и щоджэнхэм благочиннэ щоджэн нэхъыжь Копач Иоаннрэ я пашэу. Къардэн къулыкъур иригъэк1уэк1ащ къардэн нэхъыжь Кубэ Димитрий.
Пастыр нэхъыщхьэм и гъусэу Тхьэ елъэ1уащ къэзакъхэр, къалэ-зыгъэпсэхуп1эм щыпсэухэмрэ абы и хьэщ1эхэмрэ. Литургие нэужьым Щихънагъым ф1эщхъуныгъэ зи1эхэм узэщ1ыныгъэк1э захуигъэзащ.
Архиеписоп Феофилакт зэгъусэ тхьэлъэ1ур щригъэк1уэк1ащ Железноводск къалэм и Покров члисэм щыщ1эдзауэ Славянскэ, Смирновскэ псынэпсхэм нэс, псыр щигъэнэхуащ, зыгъэпсэхугъуэ зэманыр къызэ1уихыу.
Тхьэлъэ1ум хэтащ Железноводск къалэм и 1этащхьэ Бакулин Евгений, Щихънагъым тхьэлъэ1ум папщ1э ф1ыщ1э хуэзыщ1ар ик1и къалэм щыпсэухэмрэ абы и хьэщ1эхэмрэ ехъуэхъуар.