2025 гъэм накъыгъэм и 6-м, Греческэ къуажэм Георгиевскэ члисэр зэрагъэнэхурэ илъэси 10 щрикъум ирихьэлIэу, Пятигорск, Черкесск щIыналъэхэм я архиепископ Феофилакт Саитск и епископ Димитрий (Антиохийскэ чристэн члисэ) и гъусэу Тхьэм папщIэ бэлыхь куэд зрагъэшэча, ТекIуэныгъэр къэзыхьа Георгий и теплъэр члисэм яхьащ.
IутIыж зэгъусэ тхьэлъэIумрэ махуэшхуэ тхьэлъэIумрэ зэфIэкIа нэужь Пятигорск епархием и Минераловодскэ благочинием щоджэнхэм тхьэнапэр члисэм щIахьащ. Пастыр нэхъыщхьэхэм фIэщхъуныгъэ зиIэм хъуэхъукIэ зыхуагъэзащ. Архиепископ Феофилакт алыдж зэгухьэныгъэм и лIыкIуэхэмрэ члисэм екIуалIэхэмрэ яритащ щIыхь тхылъхэмрэ фIыщIэ тхылъхэмрэ. Махуэшхуэ концертыр зэхэтащ.
КъызэгъэпэщакIуэхэм зэрыжаIэмкIэ, «Чристэн дунейм» и лъапIэныгъэхэр хъумэным хэлъхьэныгъэ хуащIын папщIэ Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и теплъэм зэпищIэнущ фIэщхъуныгъэ зиIэ, чристэн лъапIэныгъэхэмрэ хабзэхэмрэ зыхъумэну къэралхэр. Урысеймрэ Сириемрэ я чристэн члисэхэм я зэпыщIэныгъэр игъэбыдэнущ зэхыхьэм, КъуэкIыпIэ Гъунэгъум и чристэн зэгухьэныгъэхэм я дежкIэ гугъэфIщ ар.